शेतकऱ्यांना २८५० रुपये आगाऊ रक्कम
वैजापूर तालुक्यातील महालगाव येथील पंचगंगा शुगर अँड पॉवर प्रायव्हेट लिमिटेडने सव्वा लाख टन ऊस गाळपाचा टप्पा पार केला आहे. पंचगंगा कारखाना प्रशासनाने योग्य नियोजन करत प्रतिदिनी ६५०० टन गाळप क्षमता असलेल्या या कारखान्याने जवळपास गाळप क्षमते इतक्या सरासरीने गाळप करून हा यशस्वी टप्पा पूर्ण केला.
हेही वाचा: 'फोडा आणि राज्य करा'; महामार्गावरील दुभाजकाची तोडफोड !
पंचगंगा शुगर अँड पॉवर कारखान्याची उभारणी वैजापूर, गंगापूर व रत्नपुर तालुक्यातील शेतकऱ्यांच्या मागणी व लोकप्रतिनिधींच्या आग्रहामुळे केली गेली. या कारखान्याची क्षमता ६५०० टन प्रतिदिन असून इतर उपपदार्थांची निर्मिती करण्यासाठी मोठ्या प्रमाणात गुंतवणूक करण्यात आली आहे. कारखान्याने गाळप केलेल्या उसास प्रति टन २८५० रुपये असा अॅडव्हान्स जाहीर केला आहे, जो दर अंतिम नाही.
हेही वाचा: 'त्या' बहाद्दराने बनावट खाते करून केले 'तिचे' फोटो व्हायरल
कारखाना प्रशासनाने शेतकऱ्यांसाठी अनेक सुविधा उपलब्ध करून दिल्या आहेत. तोडणी व नियोजन करण्यासाठी हार्वेस्टर, ट्रक, ट्रॅक्टर टोळी व जुगाडांची व्यवस्था करण्यात आली आहे. शेतकऱ्यांच्या वजनात होणारी घट थांबवण्यासाठी ऊस तोडणी कामगारांनी कुठल्याही शेतकऱ्याचा ऊस जाळून तोडला नाही, हे एक महत्त्वपूर्ण पाऊल आहे. शेतकऱ्यांना वजन काट्यावर वजन करून त्यांच्या उसाच्या वजनाची खात्री करण्याची सुविधा देण्यात आली आहे, ज्यावर कारखाना प्रशासनाची हरकत नाही.
हेही वाचा: लग्नाची तयारी झाली अन् तोच पोहोचला पोलिसांचा ताफा!
कारखाना प्रशासनाने शेतकऱ्यांना विनंती केली आहे की, ते आपला ऊस पंचगंगा कारखान्यास देऊन सहकार्य करावे. नवीन लागवड केलेल्या उसाची तसेच खोडवा पिकाची नोंद कारखान्यास द्यावी, ज्यामुळे शेतकऱ्यांना पीक कर्जासाठी हमीपत्र मिळेल. ऊस तोडणी व वाहतूक बाबतीत काही अडचण असल्यास कारखान्याच्या शेतकी विभागाशी संपर्क साधावा. असे आवाहन देखील कारखाना प्रशासनाकडून करण्यात आले आहे.
0 Comments