गायगोठ्याचे देयक काढण्यासाठी लाघखोरी
महाराष्ट्र ग्रामीण रोजगार हमी योजनेंतर्गत गायगोठा बांधल्यानंतर झालेल्या खर्चाच्या देयकावर मोजमाप पुस्तिकेवर (एमबी ) सहया केल्याचा मोबदला म्हणून १० हजारांची लाच घेणाऱ्या वैजापूर तालुक्यातील राहेगाव ग्रामपंचायतीच्या ग्रामसेवकास छत्रपती संभाजीनगर येथील लाचलुचपत विभागाच्या पथकाने रंगेहाथ पकडले.
अर्जुन गंगाधर खरबडे (४४) पद ग्रामसेवक (वर्ग-३) राहेगाव ता. वैजापूर असे या लाचखोर ग्रामसेवकाचे नाव आहे. याबाबत अधिक माहिती अशी की, घटनेतील तक्रारदाराची पत्नी ही तालुक्यातील राहेगाव येथील पंचायत ग्रामपंचायत सदस्य आहेत. दरम्यान त्यांचे पती (तक्रारदार) व याच गावातील इतर ६ लाभार्थ्यांनी महात्मा गांधी राष्ट्रीय ग्रामीण रोजगार हमी योजनेंतर्गत सन २०२२-२४ या आर्थिक वर्षात मंजूर गायगोठा बांधला. दरम्यान झालेल्या खर्चाची बिलाच्या मोजमाप पुस्तिकेवर (एमबी ) सह्या केल्याचा मोबदला म्हणून ग्रामसेवक अर्जुन खरबडे याने प्रथम प्रत्येकी ५ हजार रुपये एमबीप्रमाणे व त्यानंतर तडजोडीअंती प्रत्येकी ३ हजार रुपये प्रमाणे एकूण २१ हजार रुपये लाचेची मागणी पंचासमक्ष मागणी केली.
 |
| लाचखोर ग्रामसेवक अर्जुन खरबडे |
तडजोडीअंती १० हजार रुपयात तो मान्य झाला. परंतु लाच देण्याची इच्छा नसल्याने तक्रारदाराने छत्रपती संभाजीनगर येथील लाचलुचपत प्रतिबंधक विभागाशी संपर्क केला. दरम्यान २८ जून रोजी येथील पंचायत समिती कार्यालय परिसरात पथकाने सापळा रचला. यावेळी ग्रामसेवक अर्जुन खरबडे याला १० हजारांची लाच स्वीकारताना पथकाने रंगेहाथ पकडले. सदरची कारवाई लाचलुचपत प्रतिबंधक विभागाचे पोलिस अधीक्षक संदीप आटोळे, अप्पर पोलीस अधीक्षक मुकुंद आघाव, उपधीक्षक राजीव तळेकर यांच्या मार्गदर्शनाखाली पोलिस निरीक्षक हरिदास डोळे, पोलीस हवालदार साईनाथ तोडकर, पोलीस हवालदार, राजेंद्र जोशी चालक पो अमलदार दैठणकर यांच्या पथकाने केली. दरम्यान याप्रकरणी वैजापूर पोलिसांत गुन्हा दाखल करण्याची प्रक्रिया सुरू होती.
छाया स्त्रोत - गुगल
0 Comments